Overzicht

Direktiva i Gerensia di Betesda ta kere den duna kuido di kalidat. Nos empleadonan ta hasi tur dia nan trabou ku dedikashon i amor, asina garantisá bon trato pa e habitantenan di Betesda.

Betesda ta bon na altura di e komplikashon nan di Corona Vírus i sa ku nos habitantenan ta esun di mas vulnerabel. Ta pa esei ta sumamente importante, pa ta bon prepara pa tur kos ku por surgi en konekshon ku Corona Vírùs.

Betèsda ta preparando su mes pa algun siman kaba pa tur situashon ku por surgi. Un di e situashonnan ku por bini dilanti ta ku si trahadónan di Betesda por keda infekta dor di e Vírus i nan no por bin trabou.

Esei por pone ku nos no por garantisá, den un kalamidat di e grandura ei, ku nos habitantenan lo por haña sufisiente kuminda i vògt. Ta peligroso pa un habitante di Betesda hañé den un situashon kaminda e por bira ondervoed i dehidrá. Si un situashon asina surgi, nos lo tin mester di boluntarionan pa yuda nos.

P’esei Betèsda ta hasiendo su máksimo esfuerso pa forma un database di boluntario pa, si e situashon deskribí ariba sosodé. Pa esaki por bai na un manera korekto, Betesda mester di tempu pa traha riba e database. Nos lo tin ku evaluá i prepará e personanan boluntario pa e trabou i espesialmente siña nan e regla nan di higiena etc.

Betesda ta gradisí pueblo di Kòrsou pa e sosten i komprenshon den nos preparashon pa garantisá e kalidat di kuido den e tempu difísil aki. Pa mas informashon sigui nos página di Facebook (Verpleeghuis Betesda Curacao), Instagram (@betesdacuracao) òf yama nos na 8684044.

Verpleeghuis Betesda Curaçao

Contact

Kaya dr. Amado Römer P.O. Box 3435
Bank Rekening MCB: 872390-07
Crib nr.: 122192424
Tel: +599 9 868 4044
E-mail: betesda@betesdacuracao.com
WhatsApp: +599 9 514 4044
Facebook: Verpleeghuis Betesda Curacao
Instagram: @betesdacuracao