Werk ze!

E meneer Robby Leonardi a traha un cv hopi interesante. No ta un cv riba papel manera nos tur a kustuma kune. E manera ku e cv a wordu traha lo pone val op siguramente. Robby Leonardi ta un designer i komo un designer, ela opta pa algu uniko. E tin un website komo cv, kual riba su mes no ta un idea masha wauw. Na Korsou segun mi ta mira, lo bo wordu pidi pa manda bo cv riba papel tog (korigi mi si mi ta robes).

E meneer su cv a wordu inspira pa Super Mario. Yes, inspira pa Super Mario. Es desir, no ta tur ora un cv mester ta strak , pretu ku blanku riba papel.

Huzando bo scroll of bo pijlnan ariba of abou, lo bo por navega Leonardi su cv. Den Esaki, meskos ku den Super Mario bo por kana, bula i landa.  I tambe e cv tin diferente level ku bo por pasa den dje.

Leonardi tin un manera interesanta di ilustra su skills.

Wak Robby Leonardi su cv aki.

Komo un designer esaki tabata un bon manera pa Leonardi a showcase su skills. Mi no ta bisa ku awor Tur hende tin ku lanta buska un cv interaktivo pa traha awor. Paso simplemente, no ta nos tur ta ekipa pa traha algu asinaki.

Enbes di esei, lo bo por opta pa traha un cv website manera algun tin komo kustumber. Esaki tambe por ta algu simpel ku un display di bo eksperensia, estudio i informashon personal.

Pero ku esaki ta aseptabel ta depende di e area den kual bo ta trahando of buskando trabou den dje. Un opshon mas interesante ta pa bo pone bo cv den nos database i laga esaki wordu deskubri dor di dunadonan di trabou ku tin akseso nan nos database.

Kiko boso mes ta haña di e cv interaktivo di Robby Leonardi?

Blog

Tags: Interactief CV