Su CV Uniko A Yuda E Hoben Aki A Haña Stazje Sin Sollicitatiegesprek
Semper bo ta tende ku bo tin ku diferensia bo mes di otronan kandidatonan. Esei bo por a mira tambe na e CV di Robby Leonardi ku tabata trahá manera e wega di Super Mario.
Meskos ku Robby Leonardi, e hoben aki tambe ta un bon ehèmpel di ku hinkamentu di un tiki mas esfuerso den bo cv por ta benefisioso. Sumukh Mehta di Bangalore, India a yuda diferente hende drecha nan cv, pa asina nan por yega na un trabou.
Dia e mes tabata kla pa solisita, ela traha un cv uniko pa su mes. Su cv a wòrdu hinka den forma di e revista di fashion pa hende hòmber, GQ Magazine.
Sumukh a ègt hasi su bèst pa impreshoná editor di GQ Britaniko, su cv den forma di GQ Magazine tabata 20 pagina largu. E cv a inklui tur loke un dunado di trabou lo ta ke mira di un buskado di trabou.
Un introdukshon kòrtiku di su mes, su edukashon, eksperensia i asta un parti ku ta splika dikon e lo ke traha na GQ.
E cv a dura mas ku tres siman pa traha, esaki a inklui photoshoot i diseño grafiko i e parti di skibimentu ku mester a tuma luga. Tur esakinan ela hasi ku ayudo di su amigunan. Sumukh a hasi hopi esfuerso pa e cv aki, inkluyendo un cover, pagina di kontenido etc. Kiermen Sumukh a hasi tur loke e tabata por pa laga su cv parse mas manera un revista di GQ.
Ela Haña Un Stazje
Dylan Jones, Editor-in-Chief di GQ Britaniko a ofrese Mehta un stazje na London. E no mester a ni pasa un sollicitatiegesprek manera ta kustumber pa un trabou of stazje.
Lès ku nos Por Siña
Lèsnan ku nos por siña di Sumukh su eksperensia ta lo siguiente:
- Bo trahamentu di cv tambe bo por pensa ‘Out Of The Box’
- Semper hinka esfuerso den bo cv
- Personalisá bo cv pa kada un posishon/kompania ta yuda bo val op
- Bo no tin ku skibi bo cv/karta di solisitut bo so
Si bo tambe ke val op entre tur otro buskado di trabou, djis pone bo cv riba Werk ze!.
Via Mashable