Deskripshon Di Vakatura: Kiko Ta Nifika 1 FTE?
Hopi biaha bo ta topa e abreviashon, FTE, aki den vakaturanan. E abreviashon aki ta para pa Full Time Equivalent òf ekivalente na tempu kompletu (tradusí na Papiamentu). Na Vlaanderen ta papia di ‘voltijds equivalent’ òf werktijdfactor.
Kiko ta nifika 1 fte?
Un FTE òf ekivalente na tempu kompletuta un unidad di kalkulashon, ku ta wòrdu huza pa ekspresa dos kos. Esakinan ta:
- e kantidat di empleado òf;
- e peso òf grandura di un posishon.
Den vakatura, mayoria bia, FTE ta referi na e di dos nifikashon menshoná akiriba. Es desir e grandura òf peso di un posishon di trabou.
Kuantu ora 1 fte ta?
1 FTE ta un siman di trabou kompletu. Generalmente nos ta tene kuenta ku un siman laboral di 40 ora. Sin embargo, esaki por varia, i no ta mesun kos pa tur kompania. Na un kompania (kompania A) un siman laboral kompletu ta 40 ora, pero na un otro (kompania B), esaki por ta 38 ora di trabou pa siman, tin kompania (kompania C) ta asta yega 36 ora pa siman.
Supone ku un dunadó di trabou tin un vakatura di 0,8 FTE. Pa bo sa kuantu ora di trabou pa siman esaki ta, bo mester sa kiko ta wòrdu konsiderá tempu kompletu na e kompania aki. Kemen e kantidat di ora ku sea ta 0,8 òf 0,6 FTE ta representa, ta depende di kiko ta 1 FTE na e kompania en kuestion.
Dùs ta importante pa si e kantidat di fte, den e kaso aki 0,8 wòrdu menshoná, pa menshona kiko 1 FTE ta. Di e forma aki bo por mira ta kuantu ora e 0,8 FTE ta.
Pero e informashon aki tin biaha ta keda afó.
Ehèmpel pa kalkula 0,6 fte na kantidat di ora
Bo por kalkula e kantidat di oranan di trabou pa siman ku FTE. Bo ke sa kuantu ora di trabou pa siman 0,6 FTE ta den e ehèmpel anterior? Laga nos huza e kompanianan menshoná akiriba, kompania A, B i C pa kalkula e kantidat di ora ku 0,6 FTE ta serka kada un.
Kompania A ta huza 40 ora di trabou komo nan 1 FTE.
Lo sigiente ta konta e ora ei pa kompania A:
0,6 x 40 = 24 ora pa siman
Na kompania B:
0,6 x 38 = 22,8 ora pa siman.
Anto na kompania C:
0,6 x 36 = 21,6 ora pa siman.
Kalkula FTE
Bo ke kalkula bo FTE òf bo ke wak kuantu or abo ta traha pa siman? Ku nos calculator di FTE, bo por hasi esaki.
Bo ke kalkula bo kantidat di ora basá riba bo FTE? E ora ei bop or huza e calculator akibou.
Pa ken tur e informashon di FTE ta relevante?
FTE ta spesialmente importante pa empleadonan i gerentenan di Human Resources na por ehèmpel un kompania di produkshon ku varios trahado di tempu parsial. Manera a splika na kuminsamentu di e artikulo aki, FTE por wòrdu huza tambe pa indika e kantidat di trahado. E FTE ta wordu huza den e kaso aki pa por ehèmpel konverti e kantidat di oranan trahá dor di tradonan di tempu parsial den ora trahá pa trahadonan di tempu kompletu.
Un ehèmpel:
Na kompania X, 1 FTE ta ekivalente na un empleado ku ta traha 40 ora pa siman.
Kompania X tin 3 empleado di tempu parsial. Un ta traha 34 ora, otro 24 i e último 30 ora.
Bo por pone esaki den konteksto di tempu kompletu.
Den e kaso ei bo ta konta e total di ora di tur e empleadonan di tempu parsial i dividi esaki dor di 40 ora (1FTE)
34+24+30 = 88 ora pa siman
88/40 = 2,2 FTE
E magnitud di e 3 empleadonan part-time aki su trabou ta mesun kantidat ku 2,2 trahado di tempu kompletu.
Pensamentu final
Si bo topa e abreviashon, FTE aki den un vakatura dne futuro, kòrda wak kuantu ora 1FTE ta. Si esaki no ta wordu menshona, ta un motibu balido pa tuma kontekto ku Rekurso Humano of dirèkt ku e persona di kontakto pa e vakatura en kuestion
Laga mi sa si bo tin pregunta, komentario riba e artikulo aki ta wòrdu apresiá.