Enbes Di Bringa Ku Bo Èks Kolega, Hasi Esakinan

Kurashi si!

Mi ta kere ku pa aworaki, mayoria di boso lo a mira e video ku tabata sirkula riba retnan sosial di un dama a bai hasi bochincha kaminda e tabata traha.

Den fin di siman ku a pasa e video en kuestion a mustra un enfrentamentu ku tabatin entre un èks trahadó i un trahadó di un botika aki na Kòrsou. Nòrmalmente mi no sa hinka mi energia den tipo di kosnan aki, pero mi ta kere ku nos mester kumisa siña ku por atende ku e tip di situashonnan aki di un otro manera.

Mi’n por a saka afo presis ta kiko e señora a hasi pa nan a kit’é for di trabou. Un kos si mi sa, ku e manera ku señora a trata ku e situashon, no tabata nadrechi.

Pa kuminsa ora bo haña ontslag, vooral si ta op staande voet, generalmente ta dor di algu serio. Enbes di a bai hasi beheit i bringa dilanti di bo ex trabou, lo b por hasi lo siguiente:

Sinta Meditá Riba Loke A Pone Pèrdè Su Trabou

E señora tabata hopi preokupá ku hende ku ta hunga ku pan di su yunan, den e proseso e señora mes a hunga ku pan di su yunan dor di bai ku kompinchi i kamarógrafo pa enfrenta un èks kolega di un manera físiko. Paso pens’é bon; ken lo ke tuma bo si ta asinaki bo ta aktua?

Enbes di hasi esaki, ta bon pa sinta meditá riba loke por a bai robes den e trabou ku bo tabatin. Tin bia nos ta hasi kosnan ku no ta kuadra, porta sin mal intenshon. Dùs Semper ta bon pa bo sinta pensa, kiko bo por a hasi otro sèn bo situashon. Paso no por ta asina si ku ta Semperl loke pasa ku bo ta otro hende su falta. Dor di evaluá kiko bo por a hasi otro, esaki lo yuda bo pa bo evitá di kometé e mesun fayonan, pa bo yunan su pan ta garantisá den futuro. 

Update Bo CV

Laga nos ta sinsero, unabes nan kita bo, e chèns ku nan ta tuma bo bèk ta chikí. Kiermen ta di kuminsá buska un otro kos pa hasi pa e muchanan tin nan pan. Mayoria bia si bo ke yega na un trabou, bo mester entrega un cv. Den e proseso aki lo ta bon pa bo tin un cv aktual, si esaki no ta e kaso, lo tin bo tin ku aktualisá bo cv. Den tur kaso ta rekomendabel pa bo cv ta di atualisá kada par di luna òf sikiera 1 bia pa aña si bo ta na mesun kompania pa largu tempu.

E proseso pa aktualisá bo cv tin bia por ta un proseso ku ta tuma su tempu, esaki ta depende di kuantu tempu òf kuantu posishon pasá bo a aktualis’é.

Un kos mi por bisa ta, ku lo bo tin mas na e energia hinká den bo cv, kompará ku e energia den hasimentu di mahos dilanti porta di bo èks dunadó di trabou. Kada minüt ku bo hinka den tipo di lokuranan asina, ta tempu ku bo por a hinka den bo cv.

Kemen ta di kumisa kita stòf for di e cv bieu aya, drech’é i mand’é kaya. Ku un tiki suerte lo bo por a haña algu masha lihé, kisas asta na un otro botika mes.

Papia Ku Direktiva

Manera mi a bisa mas ariba, unabes ku kita bo (vooral si ta op staande voet) bo chèns di haña bo trabou bèk ta chikí. Den e kaso di e señora en kuestion, ta parse ku señora no tabata di akuerdo ku nan a kit’é. Hopi bia nos no gusta tuma responsabilidat pa nos akshonnan. Si den señora su kaso ta asina ku señora no tabata di akuerdo ku nan a kit’é for di trabou, i ta sinti ku e tin un kaso pa nan tum’e bèk, e mester a bai papia ku management na un manera drechi. Esaki kiermen ku bo no ta drenta ku kamara i buska un enfrentamentu físiko den ofisina. For di e kòmbersashon ku directiva lo e por a haña sa mas di loke ku nan a sinti ku ela hasi robes. Esaki lo por ta útil pa mehorá bo mes di manera ku lo bo no enfrenta tipo di problemanan aki na bo futuro trabou. Di tur manera, lo bo por a sera e kapitulo di un manera drechi.

Kuminsa Buska Trabou Numa

Si nan a kita bo for di trabou, bo ta preokupá ku e pan di bo yunan i bo cv ta kla kaba, un kos a sobra bo. Esei ta di bai kumisa buska trabou. Serio, pakiko pèrdè tempu ku kosnan ku no ta bai yuda? Si bo ta ready, manda e cv i kisas lo bo por ta kla kaba trahando otro kaminda of sikiera ku un plan pa un otro kompania. Pero awor na otro kompania, nan lo tin un mal impreshon di bo, paso bo ta bringa na trabou si kos no bai manera bo ke.

E buskamentu di trabou kisas no ta fasil, pero bo por buska diferente vakatura riba Werk ze! i asina drenta dne kontakto direkto ku kompanianan ku ta buskando trahadó.

Blog

Reageer

Deze website gebruikt Akismet om spam te verminderen. Bekijk hoe je reactie-gegevens worden verwerkt.